काठमाडौं/ वैज्ञानिक समाजवादी कम्युनिस्ट पार्टी, नेपाल र कम्युनिस्ट पार्टी पुर्नगठन अभियानबिच ध्रुवीकरण कार्यक्रम सम्पन्न भएको छ । आइतबार काठमाडौंस्थित इच्छुक सांस्कृतिक प्रतिष्ठानमा उक्त कार्यक्रम सम्पन्न भएको हो ।
विगत केही समय अगाडिदेखि नै वैज्ञानिक समाजवादी कम्युनिस्ट पार्टी, नेपाल र कम्युनिस्ट पार्टी पुर्नगठन अभियानबिच निरन्तर छलफल भइरहेको र आज उक्त कार्यक्रमबिच ध्रुवीकरणमा गएको कार्यक्रमका संयोजक तथा कम्युनिस्ट पार्टी पुर्नगठन अभियानका संयोजक रामकुमार लामाले बताएका छन् । त्यस्तै वैज्ञानिक समाजवादी कम्युनिस्ट पार्टीका महासचिव आहुतिले वैचारिक संकटकै कारण कम्युनिस्ट पार्टीहरु विभाजित बनिरहेको बताए । नयाँ विचारको विकाससँगै नयाँ आन्दोलनको निर्माण गरेमा मात्रै नयाँ ध्रुवीकरण अभियान चल्न सक्ने उनको भनाइ थियो ।
ध्रुवीकरण कार्यक्रममा कम्युनिस्ट पार्टी पुर्नगठन अभियानसँगै धर्मेन्द्र बास्तोला नेतृत्वको नेकपा बहुमत, महेश चौधरी नेतृत्वको नेकपा माओवादी लगायत विभिन्न अन्य पार्टीहरुसमेत परित्याग गरी विभिन्न जिम्मेवारीका नेता कार्यकर्ताहरु ध्रुवीकरणमा सहभागी भएका थिए ।
Good News सधै टुक्रा टुक्रा भयर बस्ने ,, गफ ठुला ठुला गर्ने र देश र जनताको काममा माखो नमार्ने गर्नुभन्दा ,,, सबै कम्युनिष्ट्रहरु एकजुट भयर ,,, चोर दलाल , भ्रष्ट्रहरुको नामनिसान मेटनु पर्छ ।। मेरो पुर्ण साथ छ ।।। एकताको लागि सलाम छ ।।।
सम्पुर्ण परिवर्तनकारी सामाजिक विभेद बिरुद्ध आवज उठाउने कम्युनिष्ट एक हुन जरुरी छ।