बनेपा/नेपाल रेडक्रस सोसाईटी काभ्रे शाखाको भोली आईतबार कार्तिक ४ गते हुने निर्वाचनका लागि शनिबार मनोनयन दर्ता भएको छ । नेपाली काँग्रेसको एउटा समुहले बनेपाका देवेन्द्र भैललाई सभापति पदमा उम्मेदवारी दर्ता गराएको छ । भैललाई नेकपा एकीकृत समाजवादीले साथ दिएको छ भने नेपाली काँग्रेसकै अर्काे समुहले नेकपा एमालेको समर्थन लिदै विदुर घिमिरेलाई सभापतिमा उम्मेदवारी दर्ता गराएको छ ।
रेडक्रस काभ्रेमा उप सभापतिमा ज्ञानबहादुर तामाङ र माधवप्रसाद हुमागाईले उम्मेदवारी दिएका छन् । महिला उपसभापतिमा पार्वती थापा र पुष्पा खड्का बस्नेतले उम्मेदवारी दिएका छन् । कोषाध्यक्ष पदमा विजयराम कमाचार्य र प्रेमकुमार तामाङको उम्मेदवारी दर्ता भएकोमा विजयराम कर्माचार्यले उम्मेदवारी फिर्ता लिएको बताइएको छ।
मन्त्रीमा राजु सिग्देल र हेमलाल तामाङले उम्मेदवारी दिएका छन् । उपमन्त्रीमा रामकृष्ण श्रेष्ठ र प्रदिप केसीले उम्मेदवारी दिएका छन् । उप कोषाध्यक्षमा झम्कप्रसाद गौतम र विनोद कोईरालाले उम्मेदवारी दिएका छन् । महिला सदस्यहरुमा शान्ति खत्री, भवानी केसी र सजिना श्रेष्ठले उम्मेदवारी दिएकाे निर्विरोध निर्वाचित हुनुभएका छन् ।
सदस्यहरुमा प्रल्हाद शर्मा हुमागाई, गोकुल डोटेल, प्रशान्त महत, राजेशकुमार श्रेष्ठ, अनुज सापकोटा, कृष्णबहादुर श्रेष्ठ, रामकुमार श्रेष्ठ, प्रेमबहादुर तामाङ, जगन्नाथ गिरी, कृपेन्द्र श्रेष्ठ, दामोदर श्रेष्ठ, विलबहादुर श्रेष्ठ, माधवप्रसाद नेपाल, उपदेश भुजेलले उम्मेदवारी दिएका छन् ।
