काठमाडौं । नेपाली कांग्रेसका सभापति शेरबहादुर देउवाले स्वतन्त्र उम्मेदवारी दिएका पार्टीका नेता कार्यकर्तालाई उम्मेदवारी फिर्ता लिन आग्रह गरेका
बिहीबार विज्ञप्ति जारी गर्दै प्रधानमन्त्री समेत रहेका देउवाले पार्टी र गठबन्धनका आधिकारिक उम्मेदवारविरुद्ध स्वतन्त्र उम्मेदवारी फिर्ता लिन आग्रह गरेका हुन् ।
उनले नयाँ संविधानको रक्षा र लोकतन्त्रका आधारभूत मूल्य मान्यताको संरक्षण गर्न लोकतन्त्र विरोधी र संविधानलाई कमजोर बनाउन सक्रिय प्रवृत्तिलाई परास्त गर्न कांग्रेससहित पाँच दलले गठबन्धन गरेको बताएका छन् ।
उनले भनेका छन्, ‘पार्टीको विजयका लागि साथीको उम्मेदवारी नै मेरो उम्मेदवारी भन्ने उच्चतम भावना राख्न र कांग्रेसको एकल उम्मेदवारी भएको तह होस् या सत्ता गठवन्धनका दलहरूसंग तालमेल भएको तह, त्यहाँको विजय अभियानलाई त्याग, एकता र समर्पणका साथ सफल बनाउन म अपिल गर्दछु ।’
