धुलिखेल नगरपालिका वडा नम्बर -८ काे कार्यालयले स्थानीय वडावासी किसानहरूलाई १०० थान इलेक्ट्रिक स्प्रे पम्प वितरण गरेको छ।
धुलिखेल नपाका कृषि शाखा प्रमुख मन्दिल श्रेष्ठकाे उपस्थितिमा कार्यालयकाे प्राङ्गणबाट ५०% अनुदान (१७४९)मा वडावासी कृषकहरूलाई वितरण गरेको वडाध्यक्ष विनोद गौतमले जानकारी दिनुभयो।
चालु आर्थिक वर्ष २०७९/८० मा विनियोजन गरेको बजेट अन्तर्गत स्थानीय एग्रो भेट हरुमध्येमा सबैभन्दा कम दररेटमा ३ हजार ४ सय ९८मा महत एग्रो भेट बनेपाले उपलब्ध गराएको बताइयो। आफुहरुले अत्यन्त पारदर्शी तरिकाले काम गरेको वडाध्यक्ष गौतमको भनाइ छ। आगामी दिनमा पनि जनपक्षीय काम गरी जनताको मन जित्ने काम आफुले गर्न सबको सहयोग आवश्यक रहेको जानकारी वडाध्यक्ष गौतमले दिनुभयो।
