हेटौंडा / बागमती प्रदेशका नवनिर्वाचित प्रदेश सभा सदस्यहरूले आज शपथ लिएका छन् । प्रदेश सभाका १०९ जना सदस्यले शपथ लिएका हुन् ।
ज्येष्ठ सांसद रामप्रसाद ढुंगानाले बुधबार सपथ लिएका थिए । बाँकी सदस्यहरूलाई ढुंगानाले पद तथा गोपनियताको सपथ गराएका हुन् ।
प्रदेश सभा सचिवालयका अनुसार १२ जनाले नेवारी तथा ३ जनाले तामाङ भाषामा र बाँकीले नेपाली भाषामा शपथ लिएका छन् ।
बागमती प्रदेशसभामा यो पटक ७ वटा दलको प्रतिनिधित्व छ। प्रदेशसभामा नेपाली काँग्रेसका ३७, नेकपा एमालेका २७, राप्रपाका १३, नेकपा एकीकृत समाजवादीका ७, नेमकिपाका ३ र हाम्रो नेपाली पार्टीका २ जना सांसद छन्।
प्रदेश प्रमुख यादवचन्द्र शर्माले पुस १८ गते दिउँसो १ बजे प्रदेशसभा अधिवेशन आह्वान गरेका छन्। १८ गते बस्ने प्रदेशसभाको पहिलो बैठकपछि मात्रै नयाँ सरकार गठनको प्रक्रिया शुरु हुनेछ।
