पनौती/जनमैत्री साकोस, पनौती -१ रयालेले लम्पी स्किन रोगबाट क्षति बेहोर्नुपरेका शेयर सदस्यहरुका लागि संस्थाको तर्फबाट राहत वितरण गरेको छ ।
यस सस्थाका ३२ शेयर सदस्यका ३६ वटा गाईवस्तुको लम्पी स्किन रोगबाट मृत्यु भएको तथ्याङ्कको आधारमा मृत्यु भएको प्रति गाई ५ हजारका दरले राहत उपलब्ध गराइएको थियो ।
संस्थाका अध्यक्ष राजकुमार सापकोटाको अध्यक्षतामा सम्पन्न उक्त कार्यक्रममा अध्यक्ष लगायतका पदाधिकारी एव सल्लाहकारहरुले राहत रकम सम्बन्धित शेयर सदस्यहरुलाई वितरण गरेको हो । आफ्ना शेयर सदस्यहरुको सुख दुखको साथी बन्न संस्थाले सक्दो पहल गर्ने गरेको संस्थाका लेखा सुपरिवेक्षण समिति संयोजक प्रदिप सापकोटाले बताए । उनका अनुसार सहकारी सामाजिक उत्तरदायित्वका कार्यहरुमा निरन्तर लागि परेको छ । यो साकोसका करिव ३ हजार सेयर सदस्यहरु छन् ।
