बनेपा – वैशाख ३० मा हुने स्थानीय तहको निर्वाचनको लागि जिल्लाको बनेपा नगरपालिका–६मा नेकपामा एकीकृत समाजवादीले चुनावी गतिविधिलाई तिब्रता दिएको छ। चुनावी कार्यतालिका अनुसार वैशाख ११ र १२ गते सञ्चालन भएको मनोनयन दर्ता कार्यक्रम सम्पन्न भए लगत्तै हिजोबाट बनेपामा एकीकृत समाजवादीले घरदैलो अभियान सुरु गरेको हो ।
बनेपा नगरपालिकाको वडा नं ६ मा एकीकृत समाजवादीले घरदैलो कार्यक्रम सुरु गरिरहेको छ । आज बनेपा नगरपालिका –६ मा घरदैलो अभियानअन्तर्गत २८ किलो, चाल्नेढंगा, कुईकेलगाउँ, कार्कीगाउँ, गोसाईकुण्ड, त्रिवेणीचोक, खहरेखोला, गैरीमार्ग भक्तेश्वर, रातमाटे पुगेका थिए ।
चुनावी प्रचार–प्रसारसँगै वडाका अग्रज व्यक्तिहरुबाट आर्शिवाद लिंदै वडाध्यक्षका उम्मेदवार सचितानन्द के.सी., महिला सदस्य उम्मेदवार विमला न्यौपाने, दलित महिला सदस्य उम्मेदवार कल्पना परियार, खुला सदस्य उम्मेदवार विष्णुनारायण श्रेष्ठ. र राजु तिमल्सिना आफ्ना टिम सहित प्रचार अभियानमा जुटेको खुला सदस्य उम्मेदवार विष्णुनारायण श्रेष्ठले जानकारी दिएका छन् ।
