सिन्धुली/आन्तरिक मामिला तथा कानुनमन्त्री गंगानारायण श्रेष्ठले जिल्ला कारागार शाखा सिन्धुलीलाई राइस स्टीमर मेसिन हस्तानतरण गर्नुभएको छ । मन्त्री श्रेष्ठले जिल्ला कारागार सिन्धुलीलाई ४ थान राइस स्टीमर मेसिन हस्तानतरण गर्नुभएको हो ।
लामो समयसम्म आफैंले बन्दी जीवन बिताएको जिल्ला कारागार सिन्धुलीमा मन्त्री बनेपछि निरीक्षण गर्न जाँदा झन्डै १ हजार बन्दी बस्दै आएको यस कारागारमा दाउराबाट खाना बनाउन साह्रै गाह्रो देखेपछि आन्तरिक मामिला तथा कानुन मन्त्रालयको तर्फबाट राइस स्टिमर उपलब्ध गराउने प्रतिबद्धता गर्नुभएको थियो। प्रतिबद्धता अनुसार रू. ४ लाख ६५ हजार (ढुवानी समेत) को करिब १ हजार जनालाई खाना बनाउन मिल्ने ४ थान राइस स्टिमर कारागार प्रशासनलाई हस्तान्तरण गर्नुभएको हो। बागमती प्रदेश सरकार कारागारलाई साँच्चैको सुधारगृह बनाउन चाहन्छ, यो सानो सरुवात मात्रै हो- मन्त्री श्रेष्ठले सामाजिक सञ्जालमा लेख्नुभएको छ।उहाँले भन्नुभयो“ दाउरामा बिहान बेलुका खाना बनाएर खानको लागि कैदीबन्दीले भोगको समस्या मैले आफैले देखे । बन्दीको चाप देखेर अस्वभाविक महशुस गरे ।
आन्तरिक मामिला तथा कानुन मन्त्रालको आर्थिक सहयोगमा नेपालमानै कारागारलाई पहिलो पटक सो मेसिन प्रदान गरिएको छ । राइस स्टीमर नेपालमा भएका थुप्रै कारागार मध्ये पहिलो पटक सिन्धुलीलाई उपलब्ध गराइएको छ । यो उपरकरण नेपालमा नेपाली सेनाले मात्रै प्रयोग गरेको उपकरण हो । सिन्धुलीमा प्रभावकारी भएमा अन्य जिल्लामा पनि प्रदान गर्न प्रयास गर्नेछु । ”
२४ ट्रे को २ थान र १२ ट्रे २ थान गरी चार थान राइस स्टीमर कारागारलाई प्रदान गरिएको हो । जसमा एक पटकमा २४ ट्रे मा ७५ किलो र १२ ट्रे मा ३५ किलो चामल पकाउन मिल्ने छ ।
