काठमाडौँ। नेकपा एमालेको ११औँ महाधिवेशनको चुनावी मत परिणाम सार्वजनिक भएको छ। प्यानलगत प्रतिस्पर्धामा अधिकांश पदाधिकारी अध्यक्ष केपी शर्मा ओलीको पक्षबाट विजयी भएका छन्।
अध्यक्ष पदमा केपी शर्मा ओली विजयी भएका छन्। महासचिवमा कडा प्रतिस्पर्धा भए पनि शंकर पोखरेलले दुई सयभन्दा बढी मतको अन्तरले अग्रता कायम राखेका छन्।
उपाध्यक्षमा पाँच जना विजयी भएका छन्। पृथ्वी सुव्बा गुरुङ १७३७ मत, विष्णु प्रसाद पौडेल १६७५, रामबहादुर थापा ‘बादल’ १५१६, गोकर्णराज विष्ट १३६८ र रघुजी पन्त १२५८ मत प्राप्त गरी पद सुनिश्चित गरेका छन्।
उपमहासचिवमा लेखराज भट्ट १४५२ मत, रघुवीर महासेठ १३६८ मत, र योगेश भट्टराई १३४८ मतसहित विजयी भएका छन्।
सचिवमा पनि प्रतिस्पर्धा कडा भएको थियो। महेश बस्नेत १५४४ मत, छविलाल विश्वकर्मा १५०६, पद्मा कुमारी अर्याल १५३०, शेरधन राई १५०३, हिक्मत कुमार कार्की १३३७, खगराज अधिकारी १३३१, यमलाल कँडेल ११८५, राजन भट्टराई ११८१ र भानुभक्त ढकाल ११०८ मतसहित विजयी भएका छन्।
पदाधिकारी टिमको अन्तिम सूची
अध्यक्ष: केपी शर्मा ओली
उपाध्यक्ष: पृथ्वी सुव्बा गुरुङ, विष्णु प्रसाद पौडेल, रामबहादुर थापा ‘बादल’, गोकर्णराज विष्ट, र रघुजी पन्त
महासचिव: शंकर पोखरेल
उपमहासचिव: लेखराज भट्ट, रघुवीर महासेठ, योगेश भट्टराई
सचिव: महेश बस्नेत, पद्मा कुमारी अर्याल, छविलाल विश्वकर्मा, शेरधन राई, हिक्मत कुमार कार्की, खगराज अधिकारी, यमलाल कँडेल, राजन भट्टराई, भानुभक्त ढकाल
