नमोबुद्ध। नेपाल कम्युनिष्ट पार्टीका पोलिटब्युरो सदस्य कान्छाराम सीले नेपालमा गफ गर्ने पार्टी नभई काम गर्ने नेता र पार्टी चाहिएको बताएका छन् ।
शनिबार नमोबुद्ध नगरपालिका -३ चरुवाको वडा भेलामा बाेल्दै नेकपाका पोलिटब्युरो सदस्य कान्छाराम सीले गफ गर्ने नभई काम गर्ने नेता र पार्टी नेपालमा चाहिएको बताएका हुन् ।
उनले त्यस्तो पार्टी नेकपा र नेता विप्लव मात्र भएको दाबी गरे । नेता कान्छाराम सीले नेपालमा आफ्नै उत्पादन गरेर रुपैंया आफै बनाउने कममा लाग्नु पर्ने बताए । कान्छाराम सिले नेपालमा दलाल पुँजीवादी व्यवस्थाका कारण जनता र सहिद परिवारको सपना पूरा नभएको भन्दै समाजवादी व्यवस्था आवश्यक भएको जिकिर गरे । उनले अबको क्रान्ति उत्पादन क्रान्ति भएको बताए ।
कार्यक्रममा केन्द्रीय सल्लाहकार सदस्य दिपक सीले नेपालका कुनै पनि पार्टीका नेताहरुले गर्न नसकेको काम नेकपाले गरेको बताए । उहाँले आत्मनिर्भर विना केही पनि विकास नहुने भन्दै नेकपाको आत्मनिर्भरताको योजना राम्रो भएको बताए । उनले अरु पार्टीका नेताहरुलाई यसबाट सिक्न पनि सुझाव दिए ।
केन्द्रीय सल्लाहकार सिद्दी बहादुर सी, केन्द्रीय परिषद् सदस्य पुर्णमान, बनेपा नगर इन्चार्ज रामहरि सिको उपस्थितिमा भएको वडा भेलाले चन्द्रमान सी को नेतृत्वमा१३ सदस्यीय वडा समिति गठन भएको छ। जसमा अक्कल बहादुर तामाङ, प्रेम बहादुर तामाङ, खडकबहादुर दर्जी, हरि तामाङ, राजकुमार शाह, हिरालाल तामाङ, बिमला मिझार, ठुलीमाया तामाङ, करुणा तिवारी, हिरामाया तामाङ, मिलनकुमारी तामाङ, फुलमाया तामाङ रहेका छन्।
