काभ्रे । नेकपा एकीकृत समाजवादी काभ्रेको धुलिखेल नगरपालिकाको वडा नम्बर १२ को वडा अधिवेशन सम्पन्न भएको छ ।
नेकपा एकीकृत समाजवादीका केन्द्रीय सदस्य तथा संगठन सुदृढीकरण अभियानका केन्द्रीय सहजकर्ता बालकृष्ण लम्सालको प्रमुख आतिथ्यतामा भएको अधिवेशनले धुलिखेल नगरपालिका वडा नम्बर १२ मा राजेश सापकोटाको अध्यक्षतामा १७ सदस्यीय वडा कमिटी गठन भएको छ ।
महिला उपाध्यक्षमा कमला तामाङ र अर्का उपाध्यक्ष निर्जुला भ्लोन, सचिव महेश्वर सापकोटा सहसचिवद्वय विनोद तामाङ र उमा थापा हुनुहुन्छ भने सदस्यहरुमा रमिला तामाङ, कन्चन थापा, स्मारिका तामाङ, दिलिप लामा, राजाराम थापा, अनिल थापा, टीका माया अधिकारी, निश्चल केसि चयन हुनु भएको छ ।
काभ्रे जिल्ला कार्यालय सचिव हरि गोपाल प्रधानाङ्ग, धुलिखेल नगर कमिटी अध्यक्ष दयासागर श्रेष्ठ, नगर उपाध्यक्ष सञ्जिता लामा लगायत नेताहरुको उपस्थितिमा सम्पन्न कार्यक्रममा सबै नेताहरुले नयाँ कार्य समितिलाई बधाई तथा शुभकामना दिनुभएको थियो ।
