बनेपा/उपप्रधान तथा गृहमन्त्री नारायणकाजी श्रेष्ठ तथा बागमती प्रदेश सरकारको आन्तरिक मामिला तथा कानून मन्त्री गंगानारायण श्रेष्ठले ०६२/०६३ को जनआन्दोलनका तत्कालीन घाईते, जनस्तरबाट जिउॅदो सहिदको उपमा पाएका र यही बैशाख २७ गते सहादत प्राप्त गरेका महान् सहिद मुकेश कायस्थको परिवारलाई आज बनेपास्थित घरमा भेटेर गहिरो समवेदना व्यक्त गर्नुभएको छ।
मन्त्रीद्वयले यस क्षणमा महान् सहिद मुकेश कायस्थप्रति भावपूर्ण श्रद्धासुमन समेत अर्पण गर्नुहुँदै आजको मुख्य कार्यभारको रुपमा रहेको “सामाजिक न्याय सहितको सम्बृद्धि र सुशासन” को यात्रा सहिदहरुले देखाएको बाटोको रुपमा लिएको बताउनुभयो।
